شريكة حياة ولا شريكة نجاح ؟!
يا تري إية الأحسن ؟! تختار واحدة اخترتك عشان ناجح ولا عشان تحقق معاك النجاح دا ؟
تختار واحدة مستنياك في نهاية الرحلة ولا واحدة تبقي أصلا جزء من الرحلة دي !
شريكة الحياة غير شريكة النجاح ، شريكة النجاح عاوزه عربية حلوة ، شريكة الحياة دي اللي تركب معاك ميكروباص وتاكسي لحد ما الحالة ترتاح ... وبعدين عربية تعبانه كل شوية تقف وتنزل تزقها معاك لحد ما تجيبوا العربية الحلوه ،
شريكة النجاح عايزه تعيش في نفس مستوي عيشتها .. وشريكة الحياة عارفه إن أهلها بقالهم عشرين سنه بيكافحوا عشان يوصلوا للعيشة دي وعايزه ومستعده تعيشهم معاك تاني ،
شريكة النجاح عايزه كل اللي إنت عملته ... شريكة الحياة عايزاك أنت !!
النص الأصلي للكاتب مصطفي شهيب .
تعليقات
إرسال تعليق